Вајналдум: Му бев лут на Клоп што ме стави на клупа, влегов во игра и…

Вајналдум натпреварот го почна од клупа, влезе на полувремето поради повредата на Робертсон и за две минути успеа да постигне два гола и да даде огромен допринос во сензационалниот резултат.

„По мечот во Шпанија ние бевме уверени дека можеме да постигнеме четири гола и да победиме со 4-0. Но луѓето се сомневаа во нас“, вели Вајналдум.

„Тие мислеа дека не можеме да го направиме тоа. Но уште еднаш покажавме дека во фудбалот се е возможно“.

„Бев навистина лут на тренерот што ме остави на клупа. Влегов и само се обидов да му помогнам на тимот, среќен сум што тоа го направив со два гола“.