Родри открива дека разговарал со Серхио Бускетс пред да направи трансфер во Манчестер Сити и каков совет добил за соработка со Пеп Гвардиола.
Родри под водство на Пеп Гвардиола се разви во еден од најдобрите фудбалери од средниот ред, Шпанецот сега е еден од главните кандидати за престижната „Златна топка“.
„Кога имав шанса да се преселам во Манчестер Сити, разговарав со Серхио Бускетс и го прашав што значи да се соработува со Пеп Гвардиола“ – открива Родри.
„„Пеп ќе те направи подобар играч. Но никогаш, ама никогаш нема да престане да те притиска. Никогаш нема да бидеш финиширан продукт“ – беше пораката која ја добив. Серхио имаше слична улога под водство на Пеп и постигна огромен успех, па му верував на се што ми кажа. И се што ми кажа, од А до Ш… се беше точно“.
„Според мене, уникатно за Пеп е тоа што секогаш е чекор напред. Секогаш еволвира пред останатите да еволвираат. Нема шанси да остане на тоа што било минатата сезона, знае дека конкуренцијата секогаш ја анализира вашата игра од претходната сезона“.
„Нема шанси да освоите четири титули по ред во Премиерлигата доколку мирувате. Или ќе реинкарнирате, или ќе умрете“.