Екипата на Ливерпул беше елиминирана во осминафиналето на Лигата на шампионите, откако ПСЖ подобро изведуваше пенали (1-4). Одиграа момците на Луис Енрике одличен меч и на „Енфилд“, па заслужено се пласираа понатаму.
По натпреварот малку чудна изјава даде Арне Слот. Тој сметаше дека неговиот тим доминирал во натпреварот против парижани.
„Ова е најдобриот фудбалски меч во кој сум учествувал. Одигравме неверојатна партија, особено ако се спореди со првиот натпревар. Бевме совршени, ни недостигаше само гол. Беше слично како и минатата седмица кога ПСЖ одигра совршено и не постигна погодок“, заклучи Слот.
Сепак, статистиката не вели така. Ливерпул имаше само три удари во рамките на гостинскиот гол, а ПСЖ имаше осум. И вкупнио број на шутеви беше на страната на гостите (21-19), како и точни додавања (572-426), а благо и поседот на топка (54-46%)