Жозе Мурињо три пати ја освојуваше Премиерлигата со Челси, тој е тренерот кој му донел најмногу трофеи на клубот, но беше исвиркуван од фановите на саботниот дуел против Манчестер.
Мурињо на тоа возврати со три прста како знак дека три пати ја освоил титулата со Челси.
Сари се сложува со тоа дека достигнувањата на Мурињо не смеат да бидат заборавени од навивачите на Челси.
„Да. Мурињо освојувал трофеи тука и мислам дека ние треба да го почитуваме, да ги почитуваме сите кои освојувале трофеи за овој клуб“, вели Сари.
Сари по разговор со Мурињо сфатил дека тие биле виновни за инцидентот кој се случи во 96. минута по голот на Баркли кога неговиот асистент славеше пред Португалецот.
„Не сум среќен со тоа што се случи. Откако зборував со Жозе сфатив дека ние сме биле на погрешната страна на ситуацијата“.