УЕФА официјално ја претстави топката што ќе се користи во нокаут-фазата и на финалето на Лигата на шампионите 2026, кое ќе се одигра во Будимпешта, на стадионот „Пушкаш Арена“. Станува збор за топка изработена од „Адидас“, а нејзиното официјално име е „Adidas UCL Pro Budapest 2026“.
Новата топка е целосно посветена на Будимпешта како град-домаќин, а дизајнот е инспириран од концептот „приказна за два града“, односно Будим и Пешта.
Кога станува збор за боите, доминира богата металик-виолетова основа со таканаречен „камелеон ефект“, кој ја менува нијансата во зависност од светлината и аголот на гледање. Контраст создаваат чисто белите ѕвезди, како и деталите во жолта боја.
Новата топка ќе го има своето деби овој месец со почетокот на натпреварите во елиминационата фаза.
Crafted for the big moments 😮💨
— UEFA Champions League (@ChampionsLeague) February 9, 2026
Introducing the 2025/26 UEFA Champions League Final ball ⚽@adidasfootball | #YouGotThis pic.twitter.com/rmwUunesnx