Евертон одвои
високи 40 милиони фунти за летното засилување Ришарлисон, кој дојде од редовите
на Ватфорд, доста оспоруван беше овој трансфер, особено поради големата сума
која ја издвои тимот од Гудисон Парк, меѓутоа, Премиерлигашот сигурно не се кае
за тој потег, Бразилецот игра во фантастична форма, а стана и првиот фудбалер
од таа екипа кој забележал настап за сениорскиот состав на Кариоките.
Ришарлисон погоди
три пати во дресот на Бразил во неговите шест настапи досега, вклучувајќи го и
голот за победа на контролката против Камерун, а тој тврди дека неговиот успех
на репрезентативен план се должи токму на Евертон.
„Тренинзите во
Евертон се доста интензивни, силни и квалитетни, постои квалитет во овој состав
и многу детали на тренинг сесиите“ рече Ришарлисон кој постигна шест погодоци
во своите десет досегашни настапи во Премиерлигата.
„Сево ова ми
помогна многу, да се развијам како фудбалер и потоа истото да го пренесам на
натпреварите за клубот, како и националниот тим. Мојата самодоверба расте, не
само во репрезентацијата на Бразил, туку и во Евертон исто така“ додаде
Кариоката.