Ратликф наброја ПЕТ ѕвезди на Манчестер јунајтед за кои смета дека не се доволно добри или преплатени

by bojan
2 минути читање
Манчестер јунајтед

Ко-сопственикот на Манчестер јунајтед, Сер Џим Ратклиф посочи пет ѕвезди за кои смета дека не се доволно добри или се преплатени и порача дека тој и неговите соработници скапо плаќаат за трансфер грешките од минатото.

Пред една година, Сер Џим Ратклиф потроши околу 1,3 милијарди фунти за 28,94% од сопственоста на Манчестер јунајтед и презеде контрола врз оперативниот дел на клубот.

Најбогатиот Британец сега седна на интервју со БиБиСи и отворено говореше на многу теми.

Сер Џим Ратклиф побара време за да го врати клубот на победнички патеки и се пожали дека тој и неговите соработници скапо плаќаат за трансфер грешките од минатото.

„Ако погледнете кого купуваме летово, тоа се всушност играчи кои не ги купивме, го купуваме Антони, го купуваме Касемиро, го купуваме Онана, го купуваме Хојлунд, го купуваме Санчо. Сето ова се работи од минатото, без разлика дали ни се допаѓа или не ни се допаѓа ова, го наследивме ова и мораме да се справиме со ова“ – вели Сер Џим Ратклиф.

„За Санчо, кој сега игра во Челси и ние покриваме половина од неговата плата, ќе платиме 17 милиони фунти летоска за да го купиме“.

Санчо беше купен од Борусија Дортмунд летото во 2021 за 73 милиони фунти, но не се покажа во Манчестер јунајтед, влезе во расправија со тренерот Тен Хаг па се врати на позајмица во редовите на „милионерите“, за летоска повторно да биде испратен на позајмица, овој пат во Челси.

Антони, кој е на позајмица во Бетис откако не успеа да се наметне на Олд Трафорд, беше купен во 2022 за 81,5 милиони фунти од Ајакс.

Касемиро пак пристигна за 70 милиони фунти во 2022, додека пак Хојлунд пристигна во Манчестер јунајтед во 2023 година во зделка вредна околу 72 милиони фунти. Онана го облече дресот на „ѓаволите“ истото лето во трансфер вреден 47,2 милиони фунти.

„Па, потребно ни е време да се побегнеме од минатото и да почнеме да градиме нова иднина“.

Запрашан дали сака да каже дека овие фудбалери не се доволно добри за Манчестер јунајтед, тој вели: „Некои не се доволно добро, други пак се преплатени. Но за ние да го склопиме составот онаа како што сакаме, и да направиме тим за кој ќе одговараме, ќе треба време“.

„Сега сме во период на трансформација каде преминуваме од минатото во иднината“.

Можно е и ова да ти се допаѓа

@2024 – Сите права задржани