Рашфорд во 92. минута донесе победа за Јунајтед на гостувањето кај Борнмут (ВИДЕО)

„Ѓаволите“ со цел плен си заминаа од незгодното гостување на „Виталите“. Борнмут има за што да жали откако одлично го започна мечот, имаше неколку добри шанси и поведе со голот на Вилсон во 11. минута.

Манчестер јунајтед иако се мачеше, успеа да се врати во игра во 35. минута, Санчез му асистираше на Марсијал за 1-1.

Гостите потоа заиграа далеку подобро во вториот дел, имаа неколку одлични шанси но за нов гол се чекаше дури до 92. минута кога Рашфорд најдобро се снајде и ја затресе мрежата на Беговиќ.