Иван Ракитиќ
вчера го одигра еден од своите најдобри натпревари во дресот на Барселона,
учествувајќи во победата од 5-1 на Каталонците против лутиот ривал Реал Мадрид,
добивајќи го дуелот со својот сонародник од спротивната страна, Лука Модриќ.
Во отсуство на
првата ѕвезда на тимот, Меси, Каталонците одиграа одличен меч, а Ракитиќ вели
дека нивниот ривал иако имал шанси, истите не ги искористил, а тие веднаш
реагирале и ја искористиле шансата која им се укажала на Камп Ноу.
„Уживавме во
играта која ја понудивме на теренот, тоа не е баш лесно да се постигне во
отсуство на Лео Меси, бевме супериорни и чувството е прекрасно“ истакна Ракитиќ.
„Одигравме
одличен натпревар почнувајќи од првата минута, имавме чисти идеи а третиот гол
(3-1) ни помогна да имаме мир во главите“ додаде Хрватот.
„Реал Мадрид
имаше шанси, но тие не беа толку паметни и ние ја искористивме шансата која ни
се укажа“ заклучи фудбалерот од средниот ред на Барселона..
Барселона со
вчерашната победа со 21 бод е на првото место на табелата во Примера, Реал
Мадрид заостанува цели седум бода по десет натпревари и се наоѓа на деветтото
место.