Пристигна потврда и од Јувентус: Роналдо е купен на две рати

Откако Јувентус
потврди дека решил да му ја исполни желбата на Кристијано Роналдо за трансфер,
а самиот ЦР7 со писмо го обрасложи својот потег, и Јувентус испрати официјално
соопштение.

„Јувентус може да
потврди дека го ангажираше Кристијано Роналдо. Постигнат е договор со Реал Мадрид“ – гласеше
известувањето.

Шампионот на
Италија откри дека за Португалецот ќе искешира 100 милиони евра, сума која ќе
биде платена во две години. Исто така „Старата Дама“ ќе одвои додатни 12 милиони
евра за солидарните исплати кои ги налага ФИФА.

Медиумите од
„Чизмата“ исто така пренесуваат дека Жорж Мендеш ќе добие провизија од 20 до 25
милиони евра што помогна да се реализира зделката, но Јувентус не откри вакви
детали.