Претседателот на Јуве со приватен авион слета во Каламата, па се префрли во хеликоптер за да стигне до Роналдо

Јувентус е многу блиску до комплетирање на трансферот на Кристијано Роналдо, претседателот на клубот, Андреа Ањели ги прави завршните чекори кои не се едноставни.

Ањели утринава со приватен авион од Пиза летна за Грција, информациите велеа дека ќе слета во Каламата, а сега веста од таму е дека пристигнал и со хеликоптер се упатил кон хотелот на Роналдо.

Се верува дека Ањели и Роналдо треба да го имаат завршниот разговор пред трансферот да се официјализира.

Наскоро Кристијано Роналдо ќе стане нов играч на Јувентус, а овој трансфер е важен и за угледот на Серија А која веќе долго време е зад Премиерлигата и Ла Лига.