„Граѓаните“
синоќа се мачеа да го скршат отпорот на „лисиците“, како одминуваше времето,
растеше притисокот но во 70. минута од мечот на сцена стапи капитенот Винсент
Компани.
Белгиецот испрати
„ракета“ од 25 метри право во аголот и донесе победа од 1-0 и три важни бода во
битката за титулата. По крајот на натпреварот дефанзивецот откри дека
соиграчите му довикувале да не шутира, а истото на ум го имал и Пеп Гвардиола.
Запрашан да биде искрен и да каже што мислел кога Компани тргнал напред,
тренерот на Манчстер Сити рече: „Не шутирај, не шутирај. Додај ја топката,
додај ја топката. Но тој донесе добра одлука“.
Потоа следуваше
ново прашање, дали верувал дека дефанзивецот може да постигне таков гол, а
изразот на неговото лице кажа сè.
„Искрено, воопшто
не бев убеден, но фудбалот носи вакви луди моменти“.