Несторовски по високиот пораз на Палермо: По ова, подобро да замолчиме, како капитен ја преземам одговорноста за тоа што се случи

Палермо синоќа загуби на
гостувањето кај Емполи, а домаќинот со 4-0 ја наполни мрежата од голот на тимот
од Сицилија.

Несторовски и Трајковски
го одиграа целиот меч за гостинскиот табор, а Несторовски, како капитен на
тимот ја презеде одговорноста за високиот пораз.

„По еден ваков
натпревар, подобро е сите да замолчиме. Можам само да кажам, дека како капитен
ја преземам целата одговорност за тоа што се случи. Сега, после ова, да
размислуваме како до позитивен резултат од следниот натпревар, патот е долг а
ние мораме да го освоиме првенството“ рече Несторовски.

Палермо со 43 бода е на
делба на првото место на табелата во Серија Б, заедно со Емполи и Фросиноне,
кој пак има меч помалку.

Извор: mediagol.it