64
На Палермо му беше потребна победа против Цитадела, а Лече да не ја совлада Специја за Сицилијанците директно да се пласираат во Серија А. Но не се случи ни едното ни другото.
Палермо и Цитадела одиграа 2-2. Домаќините водеа со 2-0 по првото полувреме благодарение на голови на Македонците.
Несторовски постигна прекрасен гол со глава во 21. минута, а две минути подоцна направи асистенција за Трајковски кој излезе сам пред противничкиот голман, го помина и него и постигна погодок.
Лече ја совлада Специја со 2-1 и заедно со Бреша изборија директен пласман во Серија А.
Палермо ќе треба преку плејофот да се врати во елитата, но прашање е дали ќе може и така бидејќи против нив има постапка па може да бидат префрлени и во Серија Ц.