Ливерпул би можел наскоро да се соочи со сериозно искушение, откако од Саудиска Арабија најавуваат можност за рекордна понуда за Мохамед Салах. Според најновите информации, интересот доаѓа од Ал-Итихад, клуб кој е подготвен длабоко да посегне во џебот за да го донесе египетскиот ас на „Енфилд“.
По неочекуваното заминување на Карим Бензема од Ал-Итихад и неговиот трансфер во Ал-Хилал на самиот финиш од преодниот рок, Салах се најде на врвот на листата желби на саудискиот гигант. Таквиот развој на настаните би можел да ги стави сопствениците на Ливерпул пред мошне тешка одлука.
Иднината на Салах дополнително се доведе во прашање по јавниот судир со тренерот Арне Слот, по кој Египќанецот на почетокот на декември три натпревари по ред ги започна од клупата. Иако, наводно, несогласувањата се надминати, дилемите околу неговата улога и статус во тимот не се целосно расчистени.
Загриженост предизвикува и падот во формата, бидејќи од 1 ноември наваму Салах постигна само еден погодок во дресот на „црвените“. Ал-Итихад внимателно ја следи ситуацијата и е подготвен да испрати понуда што сериозно би ги натерала челниците на Ливерпул да размислат за продажба.
Салах ова лето влегува во последната година од договорот, а во јули ќе наполни 34 години, што дополнително го зголемува притисокот за евентуална одлука за негово заминување.
🔴👋 Liverpool could soon be saying an emotional farewell to Mo Salah amid growing reports that a giant offer will leave FSG with little option but to cash in….https://t.co/ND9BDHy3AF #lfc
— TEAMtalk (@TEAMtalk) February 4, 2026