Де Лихт е еден од најбараните дефанзивци во моментов, тој со 19 години стана капитен на Ајакс, а веројатно следната негова дестинација ќе биде Барселона. Цената се проценува на 75 милиони фунти.
Според „Мирор“, Манчестер јунајтед пред една година можеле да го купат Де Лихт но не го направиле тоа поради едно смешно предупредување од нивниот скаут.
Скаутот на Манчестер јунајтед кој ја правел анализата за Де Лихт, на челниците покрај позитивните карактеристики, им кажал дека во иднина играчот може да има проблеми со тежината поради гените на неговата фамилија. Неговиот татко бил многу дебел.
Жозе Мурињо сакал да го ангажира Де Лихт, но челниците на клубот одбиле да потпишат со него поради наводите на скаутот за евентуалните проблеми со тежината.
Сега сигурно се каат, можеа да го купат дефанзивецот кој е главен хит во светот на фудбалот во моментов за сума која сигурно е многу помала од сегашните 75 милиони фунти.