Н’Голо Канте потпиша нов, петгодишен
договор, потврди Челси, а францускиот репрезентативец одлично се адаптираше и
на филозофијата која ја негува новиот тренер Маурицио Сари во новата сезона, се
најавуваше дека тој ќе ја продолжи верноста со клубот, а денес стигна и потврда.
„Н’Голо Канде денес го продолжи својот
престој на Стемфорд Бриџ потпишувајќи нов петгодишен договор“ се вели во
соопштението на Челси објавено на официјалниот клупски сајт, а изјава имаше и
фудбалерот.
„Среќен сум што
го продолжив мојот престој во Челси, поминаа две прекрасни години и посакувам
уште повеќе, откако сум тука, целосно се равив како фудбалер, бев предизвикан
самиот себе, добив многу награди за кои никогаш не ги ни очекував“ изјави
Канте.
Неофицијалните
информации кои пристигнуваат од Островот, велат дека Французинот со новиот
договор ќе заработува 290 илјади фунти неделно, односно, со близу 16 милиони
фунти годишна плата ќе биде еден од најплатените во Премиерлигата.