Големите љубители
на фудбалот со нетрпение го очекуваат мега дербито во Шпанија, или популарното
Ел Класико во кое Барселона на домашен терен на Камп Ноу ќе го пречека Реал Мадрид.
Во таборот на
домаќините поради повреда ќе отсуствува Лионел Меси, првата ѕвезда на тимот кој
ќе паузира три седмици, освен него, вон комбинација за настап ќе бидат уште и
Умтити и Вермален. Кај гостите ќе отсуствува Карвахал.
Викендов Ел
Класико ќе има поинаква слика, откако Меси и Роналдо нема да се најдат во него,
прв пат кога еден од нив отсуствувал на ова големо дерби се случи во 2007.
година, кога Меси поради повреда не беше во можност да му помогне на својот тим,
Роналдо потпиша за Реал Мадрид во 2009. година, па од тогаш, па наваму, барем
еден од нив двајца бил на теренот на Ел Класико, а еве како изгледаа составите
на последното големо дерби без ниту еден од нив двајца…
Тогаш, со Меси
повреден во составот, Франк Рајкар очекуваше магични перформанси од Роналдињо и
Деко, за да се пополни дупката оставена од тогаш 20 годишното момче од
Аргентина.
На спротивната
страна пак, Бернд Шустер се определи за Жулио Баптиста, иако Гути се врати од
повреда, предност доби Бразилецот, а на крајот таа негова одлука значеше и
победа со прекрасниот гол на Баптиста.
Таа сезона
2007/08, Реал Мадрид ја освои титулата со 85 бодови, пред Виљареал со 77 бода.
Барселона едвај стигна до третото место со 67 бода, а во водечката петорка уште
се најдоа и Атлетико Мадрид со 64, односно Севиља со исто толку бодови.