Рубен Невеш игра
во одлична форма, а неговите одлични перформанси му донесоа и солидни резултати
на Вулверхемптон во новата сезона од Премиерлигата, 21 годишниот фудбалер од
средниот ред му се приклучи на тимот ланската сезона, помогнувајќи му да влезе
во елитното друштво на фудбалска Англија.
Во новата сезона
Невеш има два погодоци на 12 натпревари, а Tuttosport верува дека тој е веќе на листата на желби на
Јувентус.
Весникот тврди
дека спортскиот директор на Италијанците, Фабио Паратичи веќе имал средба со
агентот на Португалецот, Жорге Мендеш во текот на вчерашниот ден, а
претседателот на клубот, Андреа Ањели исто така имал присуство.
Извесно е дека
Јувентус ќе посакува брз расплет на околностите во интересот на Невеш, кого ќе
се обиде да го доведе во својот состав уште во јануарскиот преоден рок, како засилување
за тимот во елиминационата фаза од Лигата на шампионите, откако нивниот среден
ред претрпе неколку проблеми оваа сезона.