„Старата Дама“ го
забележа првиот пораз оваа сезона, Манчестер јунајтед вечерва триумфираше на
„Алианц“ во Торино. Кристијано Роналдо го постигна својот прв гол во дресот на
Јувентус во Лигата на шампионите, но неговата мајсторија не беше доволна.
Португалецот во
65. минута доби една долга топка од Бонучи, биеше на прва со волеј неодбранливо
за 1-0. Но во 86. минута од мечот „Ѓаволите“ се вратија. Мата возврати со иста
мерка и мајстроски од слободен удар погоди за 1-1.
Гостите ја
искористија психолошката предност и во 90. минута направија комплетен пресврт.
По една нафрлена топка од прекин, Шчесни неспретно интервенираше, топката се одби од Погба, Бонучи па и од Алекс Сандро и заврши во мрежата на Јувентус за славје на
Манчестер јунајтед.
Најубедливата
победа вечерва ја забележа Манчестер Сити, избраниците на Пеп Гвардиола со 6-0
славеа над Шахтар. Еден гол помалку постигна Реал Мадрид. „Кралевите“ под
водство на Солари забележаа нов триумф овој пат со 0-5 победија на гостувањето
кај Викторија Плзен.
Баерн Минхен со
2-0 го совлада АЕК, Бенфика и Ајакс одиграа 1-1 а побеник немаше и на дуелот
помеѓу Лион и Хофенхајм. Гостите имаа негатива од 2-0 и црвен картон, но и со
играч помалку се изборија за 2-2.