Интер игра
одлично, иако Барселона ја сопре нивната серија од седум победи во низа во сите
конкуренции, Нероаѕурите синоќа беа убедливи во победата против Лацио и се
вратија на победничките патеки мошне брзо, а веројатно е дека поразот од
Каталонците за нив е веќе минато.
Следен ривал на
Интер во Серија А е Џенова на нашиот Горан Пандев, а најдобриот поединец на
тимот од Милано, Мауро Икарди вели дека составот на Лучијано Спалети сака нешто
повеќе.
„Поминувам во
еден навистина убав период на форма заедно со Интер. Ние играме одлично, и
покрај мечот со Барселона, дури и сакаме нешто повеќе од сево ова“ рече
напаѓачот по победата на Нероаѕурите сред Рим против Лацио со 0-3.
„Ние не сме
анти-Јувентус, ние сме близу тоа што тие го направија изминатите неколку
години, среќни сме со тоа што го правиме во моментов, на вистинскиот пат сме и
сакаме да продолжиме по истиот“ додаде Икарди.
Интер заостанува
шест бода зад Јувентус по десет одиграни кола во Серија А, а Нероаѕурите имаат шест победи во
низа во најсилниот италијански фудбалски шампионат.