Со цел да заработат уште повеќе, алчните сопственици на големите европски клубови имаат идеја да формираат Супер лига која ќе биде од затворен карактер, налик на НБА. Учесниците во оваа лига не би играле и во домашните првенства.
Вистинските љубители на фудбалот се надеваат дека оваа идеја никогаш нема да се реализира, а Гвардиола смета дека таа би била погубна за домашните фудбалски првенства.
„Не се согласувам со таа идеја. Некој треба да ми објасни зошто тоа е добра идеја. Доколку се случи, ќе ги убиеме домашните лиги. Доколку Барса или Реал Мадрид не играат против Еспањол, кој ќе ја гледа таа лига? Шпанската лига ќе умре. Во Англија се многу интелигентни, стадионите се полни и во четвртите лиги. Англија нема да дозволи локалниот фудбал да умре“, вели Гвардиола.
„Дел од убавината на Лигата на шампионите е тоа што не се случува секоја недела. Доколку големи натпревари се играат секоја недела, тоа ќе загуби од шармот. Барселона против Еспањол е неопходно за градот. Доколку ги убиеме домашните лиги, никој нема да биде заинтересиран да ги гледа тимовите кои немаат шанса да играат во супер лигата“.