Спортистите често самите знаат да почувствуваат кога имаат неверојатно добар или кошмарно лош ден.
Алисон Бекер без сомнеж беше најголем херој на Ливерпул во победата над ПСЖ (0-1) во осминафиналниот меч од Лигата на шампионите. Иако Харви Елиот го даде победничкиот гол, бразилскиот голман имаше двоцифрен број на интервенции.
Дел од одбраните на Алисон беа навистина добри шутеви на противникот, па партијата на Бразилецот доби „на тежина“. Самиот тој чувствува дека го имал мечот на кариерата.
„Ова ми е веројатно најдобрата партија во животот. Тренерот ни кажа колку тешка задача не чека и се подготвивме да биде тешко. ПСЖ има неверојатен квалитет. Пропуштија толку шанси, ама на крајот Харви Елиот го даде единствениот гол.
Ова беше голема приказна, голема ноќ за нас. Навистина се фантастичен тим и се надевам ќе можеме да одиграме подобро во возвратниот дуел. Мора да го препознаеме квалитетот на ПСЖ, се гледа кога ја имаат топката и како прават шанси. Тешка вечер за нас, ама со среќен крај“, прокоментира Алисон.