Атлетико испрати жалба до УЕФА, фудбалерите не можеле да се избањаат пред натпреварот со Арсенал

Фудбалерите на Атлетико Мадрид се соочија со неочекувана непријатност пред вечерашниот дуел со Арсенал во Лигата на шампионите.

Имено, по официјалниот тренинг на еден од најмодерните стадиони во светот, фудбалерите на шпанскиот тим останале без можност да се избањаат бидејќи во соблекувалните немало топла вода.

Инцидентот предизвика брза реакција од делегацијата на Атлетико, која веднаш поднесе жалба до УЕФА, додека фудбалерите биле приморани да се истушираат дури по враќањето во хотелот.

Дуелот меѓу Арсенал и Атлетико Мадрид ќе започне вечерва во 21:00 часот.