Алварез ги „дотолчи“ Бразилците: Ќе им дадевме уште 2-3 гола ако играше и Лео Меси!

Напаѓачот на Аргентина, Хулијан Алварез вели дека Бразил имал среќа што Лео Меси поради повреда го пропушти натпреварот, во спротивно ќе примеле уште 2-3 гола.

„Гаучосите“ утрово со убедливи 4-1 го совладаа Бразил, му нанесоа тежок пораз на лутиот ривал и се пласираа на мундијалот во 2026.

Пред почетокот на натпреварот, па и на самиот натпревар, имаше многу провокации и кошкање помеѓу фудбалерите, а зајадливите коментари продолжија и по крајот на натпреварот.

Хулијан Алварез, кој го отвори резултатот во 4. минута, ги „дотолчи“ Бразилците и порача: „Ќе им дадевме уште 2-3 гола ако играше Лео Меси“.

Првата ѕвезда на Аргентина не настапи на овој натпревар поради ситна мускулна повреда.