25 годишното македонско офанзивно крило, Езгјан Алиоски
изминатото лето потпиша за англискиот Чемпионшиплигаш Лидс, а дојде од редовите
на швајцарскиот Суперлигаш Лугано, каде имаше блескава сезона.
Тешко е да се игра во Англија, а тоа на големо се чини
дека го почувствува и нашиот репрезентативец, за кого се пишуваше дека игра „топло-ладно“,
притисокот беше голем врз него, но тој направи „услуга“ на швајцарската
Суперлига.
Дел од медиумите на Островот сега му ги отвораат очите на
Лидс, па велат успешната зделка со Алиоски, може да донесе уште повеќе такви
зделки во швајцарскиот шампионат, кој со Алиоски докажал дека има добри и
квалитетни фудбалери.
„HITC“ наведува дека
Лидс треба добро да расмисли за 20 годишниот напаѓач на тамошниот првак Базел,
Димитри Оберлин, чиј договор истекува идното лето, а тој веќе го примами на
себе вниманието на фудбалска Европа, постигнувајќи два гола во три натпревари
од Лигата на шампионите за својот клуб.
„Калчомеркато“ за овој фудбалер пишуваше дека интерес има
од италијанскиот првак Јувентус, па останува дилемата околу одлуката на
Оберлин, а неговиот клуб воопшто не му смета тоа што големиот талент нема
потпишано нов договор, па го користи до максимум неговиот квалитет кој носи
победи во елитното европско клупско натпреварување.
Извор: hitc.com