Тетекс успеа да го мине Кожув откако на реваншот на
домашен терен обезбеди триумф од 3-2, првата пресметка помеѓу овие два клуба
заврши со нерешен исход 2-2.
Домаќините уште во првото полувреме најавија прогрес во
Купот откако во два наврати ја затресоа мрежата на Гевгеличани, кои во финишот
од првото полувреме постигнаа гол за 2-1 и внесоа неизвесност во вториот дел од
мечот.
Кожув израмни на 2-2 но кратко траеше радоста на гостите,
само две минути по израмнувачкиот гол Тетекс повторно се врати во водство и го
визираше пласманот во четвртфиналето.
За утре се предвидени и следните реванш средби од
осминафиналето:
Струга – Ренова
Шкендија – Работнички
Победа – Брегалница
Борец – Пелистер
Горно Лисиче – Скопје
Академија Пандев – Силекс
Поради настапите на Вардар во Лига Европа, двомечот со
Шкупи ќе се игра идниот месец.