Палермо на Несторовски и Трајковски се уште нема пораз во
Серија Б, пред само два дена на домашен терен обезбеди триумф од 1-0 над
Перуџа, а единствениот гол на овој натпревар беше дело на капитенот на тимот,
нашиот Илија Несторовски.
Медиумите во Италија пишуваат за посветата која
Несторовски ја наменил за овој погодок, истиот оди на адреса на 21 годишниот
чувар на мрежата на Палермо, кој во една прилика на претходно наведениот
натпревар имаше голем кикс, противничкиот фудбалер излезе пред празниот гол на
домаќините, но за негова среќа не успеа да погоди за водство.
(Киксот на младиот хрватски голман погледнете го на 1,54,
додека пак голот на нашиот Несторовски проследете го на 3,12).
Инаку, во Сицилија се потсетуваат и на мечот против
Катанија во сезоната
2002/03 кога голманот на Палермо имаше неверојатна грешка по која гостите
постигнаа гол, а фактот што на трибините имаше околу 30,000 гледачи, доволно
говори за тоа какви свирежи надојдоа по оваа негова реакција.
На крајот Палермо славеше со 5-3, а победата од
соиграчите беше посветена токму на нивниот соиграч, голманот Алјарди, моменти на кои Сицилијанците се потсетија по гестот кој го направи Илија Несторовски против Перуџа.
Речиси иста е ситуацијата, тогаш Алјарди направи катастрофална грешка, доби свирежи од трибините, а веднаш потоа Корини возврати со гол за Палермо, отиде да го прослави заедно со Алјарди, а сликата на трибините, сосема очекувано целосно се промени.
Извор: ilovepalermocalcio.com