Македонскиот
првак Вардар без даден гол, ги загуби двата воведни контролни средби на
подготовките во Австрија, најнапред од Марибор, потоа и од Матерзбург, и двата
со идентичен резултат 1-0.
Бразилецот од
редовите на „црвено-црниот“ состав, Хуан Фелипе вели дека Вардар мора да ги
користи сите шанси кои ќе му се укажуваат, бидејќи потребна е добра подготовка
за предизвиците во Лигата на шампионите, поточно двомечот со Малме.
„Не ги
искористивме нашите прилики, и на крајот сме поразени. Мислам дека не заслуживме
пораз, но треба во иднина да ги користиме овие шанси кои што ни се укажуваат.
Мораме добро да се подготвиме за предизвиците во Лигата на шампионите против
Малме, и секоја шанса која што ќе ни се пружи на тие натпревари, да ја
користиме“ издвои Фелипе во изјавата за официјалниот клупски сајт.
Од клубот
информираат дека денеска екипатаќе има два тренинга, по што во полн ритам
продолжуваат подготовките во Австрија.
Извор/Фото:
fkvardar.mk