Македонија на 12. место го заврши Европското првенство

По денешните последени натпревари на европскиот шампионат, познат е и редоследот на репрезентациите од петтото до дванаесетото место.

Дали Македонија ќе биде претпоследна или последна зависеше од натпреварот помеѓу Данска и Чешка. Данците победија, ги освоија првите три бода, а тоа значеше и последно место за нашата репрезентација.

Европското првенство го завршивме со еден бод, колку што освои и домаќинот Полска, но тие имаат подобра гол разлика.

И покрај пласманот на последната позиција, впечатокот од настапот на Македонија на Европското првенство е позитивен.