По мечот со Ростов, Мурињо се пожали на згуснатиот распоред кои го имаат тие за разлика од другите екипи во топ шест во Премиерлигата кои веќе немаат европски натпревари. Арсенал, Манчестер Сити и Тотенхем беа елиминирани, а Ливерпул и Челси воопшто и не играа.
„Никогаш не сум слушнал толку многу глупости во мојот живот. Зошто треба да ги слушаме овие глупости?“ – вели Рој Кин.
„Нема смисла за тоа што се жали. Тој е менаџер на Манчестер јунајтед, еден од најголемите клубови на планетата. Составот кој го има… и продолжува да се жали за распоредот“.
„Ако погледнеме во ждрепките кои ги имаа ќе видиме дека имаа некои лесни патеки во купот, добри ждрепки, многу домашни натпревари. Тоа што тој го зборува нема смисла. Никогаш не сум слушнал толку глупости во мојот живот“.
„Можеби клубот е преголем за него. Резервите на Манчестер јунајтед можеа да го добијат натпреварот со Ростов. Преку глава ми е од неговото жалење“.