Пеп Гвардиола прв пат елиминиран во осминафиналето од Лигата на шампионите

Пеп Гвардиола беше фантастичен тренер за Барселона со која влеваше страв кај противничките екипи. Доминираше и со Баерн Минхен во Германија, со нив не ја освои Лигата на шампионите, но стигнуваше далеку.

Во Манчестер Сити неговата доминација падна, Пеп Гвардиола денеска за прв пат беше елиминиран во осминафиналето од Лигата на шампионите.

Големиот стратег ризикува да ја заврши и првата сезона без освоен трофеј, за да не дојде до таков негативен учинок има уште една шанса, англискиот ФА Куп каде игра во полуфиналето.