Лацио ја победи Болоња и изби на првото место во Серија А (ВИДЕО)

Лацио е на врвот на табелата во Серија А и таму ќе остане по ова коло бидејќи дуелот меѓу Јувентус и Интер е одложен за 13. мај.

Двата гола паднаа брзо по почетокот на мечот, Алберто во 18. минута донесе водство за Лацио, а само три минути подоцна Кореа ги постави конечните 2-0.

По 26 одиграни средби Лацио има 62 бода, два повеќе од Јувентус кој има меч помалку. Интер е на третото место со 54 бода и два натпревари помалку од Лацијалите.