ПСЖ со пресврт го победи „должникот“ Рен и дојде до трофејот од Суперкупот на Франција (ВИДЕО)

Рен кој го изненади ПСЖ минатата година во Купот на Франција, одлично го почна и Суперкупот, но овој пат фаворитот не доби уште еден студен туш.

По една одлична акција во 13. минута Хуно донесе водство на Рен од 1-0, со тој резултат и се замина на полувремето.

ПСЖ долго време се мачеше за да изедначи, конечно во 57. минута Мбапе постигна гол по асистенција од Сарабија за 1-1.

Во 73. минута Анхел Ди Марија постигна убав гол од слободен удар за комплетен пресврт и победа од на ПСЖ од 2-1.

До крајот на мечот Рен тргна кон израмнување, имаше неколку шанси во финишот, но ПСЖ го одбрани водството и на крајот го крена трофејот од Суперкупот на Франција.