Мартинез: Не бевме арогантни, тешко е да се објасни овој пораз од Швајцарија

Белгија требаше само да избегне пораз од два гола разлика на гостувањето кај Швајцарија за да им се приклучи на Португалија и Англија во завршната борба за трофејот од Лигата на нации. И добро почна натпреварот за нив, поведоа со 2-0, но потоа се случи дебакл, примија пет гола до крајот и не ја остварија целта.

„Арогантност? Не, бевме изненадени на контра напади, заборавивме да се браниме добро“, вели селекторот на Белгија, Роберто Мартинез.

„Тешко е да се објасни. Почнавме добро, потоа во одреден момент Швајцарија немаше што да изгуби“.

„Им дадовме можности да се вратат во натпреварот. Од ова мора да излеземе посилни, да разбереме ека погрешивме. Уште поболно е поради фактот што добро го почнавме мечот“.