Килијан Мбапе
инсистира на тоа дека ниту Лионел Меси, ниту Кристијано Роналдо нема да бидат
добитници на престижната награда „Златната топка“, тој посочи дека и натаму
нема фудбалер кој е подобар од едниот, или другиот, додавајќи дека тие обајцата
се уште се најдобрите на светот.
„Мислам дека Меси
и Роналдо нема да ја освојат Златната топка оваа година, причината е поради тоа
што имаше Светско првенство, тоа натпреварување има голем приоритет“ рече
Мбапе кој со својата репрезентација го освои Мундијалот во Русија изминатото лето.
„Сепак, се уште
не постои фудбалер кој е подобар од нив, и оваа година тие се најдоброто нешто
во светот на фудбалот, Меси сезоната ја заврши како најдобар стрелец во Европа,
а Роналдо беше најдобар стрелец во Лигата на шампионите“ заклучи талентираниот
напаѓач на ПСЖ.