Кристијано Роналдо го постигна првиот гол за Јувентус во Лигата на шампионите, но Манчестер јунајтед со два гола во самиот финиш натпревар комплетен пресврт и дојде до триумф од 2-1.
„Лигата на шампионите е посебно натпреварување каде можете да победувате но не смеете да се опуштите, бидејќи се може да се случи“, вели Кристијано Роналдо.
„Ние доминиравме во текот на сите 90 минути, имавме многу шанси и можевме да го решиме мечот три или четири пати, но се опуштивме и бевме казнети“.
„Манчестер јунајтед не направи ништо за да го добие натпреварот. Дури не можеме да правиме муабет и за среќа бидејќи треба да направите нешто за да добиете среќа, во овој случај едноствано ние им ја подаривме победата“.
„Сега треба да ги кренеме главите, одигравме навистина добро и се уште сме на врвот во групата“.
Роналдо беше запрашан и за неговиот гол, прекрасниот волеј.
„Ја видов повторената снимка во соблекувалната. Кога го дадов голот не помислив дека тој е фантастичен, но направив добро движење и силно ја удрив топката“.
„Среќен сум за голот, но разочаран сум бидејќи требаше да победиме со три или четири голови. Манчестер јунајтед не направи ништо, имаа две шанси од слободни удари. Знам дека англиските тимови секогаш сакаат да имаат слободни удари“.
„Ќе научиме од нашите грешки, се уште сме на врвот на групата, па добро е“.