Занети проговори за гласините кои го поврзуваат Икарди со Реал Мадрид

Се појавија гласини дека Реал Мадрид ќе го откупи Икарди за 110 милиони евра. Тоа е откупната клаузула на фудбалерот која важи само во текот на две недели во јули.

Но, Хавиер Занети верува дека нема да се случи тоа и дека иднината на Икарди е во Интер.

„Икарди е нашиот капитен, и нашата референтна точка“, изјави Занети за „Марка“.

„Тој исто така е многу среќен во Интер. Не сме слушнале за интерес од Реал Мадрид. Интер е во добра форма и нема потреба да продава играчи за да го испочитува финансискиот фер плеј“.