Сити покажа моќ, го декласираше Саутемптон за да го запоседне врвот во Премиерлигата (ВИДЕО)

„Граѓаните“ како лидери ќе го пречекаат Манчестер јунајтед следниот викенд во големото градско дерби. Попладнево избраниците на Пеп Гвардиола покажаа моќ и со 6-1 го декласираа Саутемптон.

Резултатот беше отворен во 6. минута, Хоедт си постигна автогол за водство на Манчестер Сити од 1-0. Агуеро зголеми на 2-0 во 12. минута а Давид Силва во 18. минута погоди за 3-0 и најави тежок пораз за гостите. По половина час игра Ингс од пенал намали на 3-1, но тоа беше се што сторија „Светците“.

Пред крајот на првиот дел, Стерлинг реализираш за 4-1, а истиот играч во 67. минута донесе 5-1. И покрај убедливото водство, Сити продолжи да притиска па во завршните мигови во листата на стрелци се запиша и Лерој Сане за конечни 6-1.