Преговорите со Конте се комплицираат, Реал Мадрид ќе назначи друг тренер!?

Се веруваше дека Антонио Конте ќе биде наследникот на Хулен Лопетеги кој наскоро и официјално треба да добие отказ.

Но, „Марка“, „АС“ и останатите шпански весници пишуваат дека преговорите со Антонио Конте се потешки отколку што се очекувало, па можно е Реал Мадрид да го промени планот.

Се споменува назначување на Сантијаго Солари кој во моментов е тренер на Б тимот, тој потег би бил сличен на назначувањето на Зидан кој исто така на клупата на Реал Мадрид седна од вториот тим.

Според „АС“, Конте барал долгорочен договор со Реал Мадрид и да му биде гарантирана слобода во донесувањето на одлуките. 

Серхио Рамос уште синоќа го предупреди Конте велејќи дека почитта се заработува, не е загарантирана.