Одредени ѕвезди
од составот на Барселона се загрижени за однесувањето кое го има Осман Дембеле
во клубот, откако се појавија шпекулации дека Французинот доцнел цели 25 минути
за пресметката со Интер во средата во рамките на Лигата на шампионите.
Мундо Депортиво
пишува дека „проблемите со дисциплината“ кои ги има Дембеле веќе пријавиле
загриженост во соблекувалната кај делот од „тешката категорија“, се мисли на
големите ѕвезди во тимот.
Шпекулациите одат
до таму што дури и се вели дека Французинот има разнишан однос со тренерот
Ернесто Валверде по тоа што се случило пред натпреварот со Интер, откако, фудбалерите имале обврска да се појават на Камп Ноу два часа пред мечот со италијанската екипа, но, Дембеле ја заобиколил истата.
Во Шпанија исто така наведуваат дека на последниот
одигран меч во Примера, во кои Каталонците славеа со 4-2 над Севиља, на Дембеле
му биле потребни цели 10 минути за да се подготви да влезе на теренот за да го
замени повредениот Лионел Меси, оставајќи го својот тим, да игра со играч
помалку во тој период.