Во рамките на второто коло на Светското првенство, Бразил забележа сигурна победа од 3-0 против Хаити, решавајќи го прашањето за победникот уште во првиот дел. Во вториот натпревар, Мароко оствари минимален триумф од 1-0 против Шкотска.
Откако во премиерниот настап одиграа нерешено, Бразилците конечно стигнаа до својата прва радост на овој шампионат преку триумфот над Хаити.
Одлуката на селекторот Анчелоти да му даде шанса на Куња од првата минута се покажа како полн погодок.
Токму овој напаѓач беше творец на почетната предност, тресејќи ја противничката мрежа во 23-тата и 36-тата минута за водство од 2-0.
Точка на натпреварот беше ставена во судиското надополнување од првото полувреме, кога Винисиус Жуниор реализираше за конечни 3-0.
Претходно во пресметката меѓу Мароко и Шкотска, Мароканците славеа со 1-0. Мечот беше решен многу рано, благодарение на голот на Саибари постигнат уште во втората минута.
На табелата по две одиграни кола, лидерските позиции ги делат Бразил и Мароко со по четири бода, зад нив е Шкотска со три, додека Хаити останува на дното без освоен бод.