Ерлинг Халанд повторно го привлече вниманието на јавноста, но овојпат надвор од фудбалските терени oткако ја купил најскапата норвешка книга досега, плаќајќи околу 1,3 милиони круни (приближно 115 илјади евра), но одлучил да не ја задржи за себе.
Вредното дело ќе биде донирано на општината Тиме, местото каде што Халанд пораснал, пренесуваат норвешките медиуми.
Станува збор за уникатно издание на кралските саги од Снори Стурлусон од 1594 година, во верзија на Матис Стурсен. Книгата се смета за вистинска „икона меѓу иконите“ и претставува единствениот целосен примерок што досега бил во приватна сопственост.
Според експертите, ова дело има огромно значење за норвешката култура, дури и поголемо од познатите „Норвешки народни бајки“ на Петер Кристен Асбјорнсен и Јорген Мо.
Во изјава за медиумите, Халанд истакнал дека сака оваа книга да им биде достапна на луѓето од неговиот крај.
„Никогаш не сум бил страстен читател, но сакам ова дело секогаш да биде отворено, за луѓето да можат да читаат за оние што доаѓаат од мојот крај, од Брине и Јерен“, изјави Халанд.
Покрај донацијата, тој најави и специјално натпреварување за деца и млади, кое ќе биде организирано по тој повод.
Erling Haaland, 430 yıllık bir Viking kralları destanı el yazmasına (Snorre Sturlason'un 'Kongesagaer' isimli el yazması) 118.000 € (6 milyon ₺) ödeyip satın aldı ve memleketi Stavanger'e bağışladı. pic.twitter.com/0OtTC49hTn
— gdhspor (@gdh_spor) March 24, 2026