Македонија со погодоците
на капитенот Пандев и Маркоски славеше над Норвешка со 2-0 во пријателски меч
што се одигра во Скопје на „Националната Арена Филип Втори“.
Она што е сигурно,
бележиме фантастична година зад нас на сениорите, избраниците на Игор
Ангеловски запишаа пет победи (вклучително и вечерашната), три ремија и само
еден пораз (од Шпанија), во сите конкуренции, како во квалификациите за СП
Русија 2018, така на пријателските натпревари генерално.
Ако по утрото денот се
познава, следат подобри денови за нашата сениорска фудбалска репрезентација под
водство на селекторот Игор Ангеловски, кој се чини дека полека но сигурно ги склопува коцките успешно во нашиот национален тим, а трпението во целото склопување на тој мозаик се исплатеше…
Фото: Фудбалска Репрезентација на Македонија (Facebook)