Палермо претстојнава
недела гостува кај Кремонесе во редовното коло од Серија Б, а тренерот на
ривалот на нашите интернационалци Несторовски и Трајковски, Атилио Тесер се
чини дека не стравува од најдобриот стрелец во редовите на тимот од Сицилија.
„Можам слободно да кажам
дека Палермо е најсилната екипа во лигата, прво, доаѓа од Серија А, второ, има
многу интернационалци во својот состав, тимот е комплетен, силен и предобро
физички подготвен, Македонија не го повика Несторовски? Нема никаков проблем во
однос на тоа“ вели Тесер во изјавата за „Газета дело Спорт“.
По молбите на
италијанскиот второлигаш, селекторот на нашата најдобра фудбалска
репрезентација Игор Ангеловски одлучи да излезе во пресрет и да го ослободи
Несторовски од контролката со Норвешка во сабота, па така Прилепчанецот ќе може
да се посвети само на клупските обврски претстојниов викенд.
Капитенот на Палермо со
девет погодоци на десет натпревари е вистински лидер во тимот кој заостанува
само бод во однос на лидерот на табелата Фросиноне.
За Несторовски,
евентуален гол против Кремонезе значи чекор до еден голем рекорд.