Со победата на гостувањето кај Карпи со 1-3 во 11. рунда натпревари
од Серија Б, екипата на Палермо се задржа во горниот дел на табелата во
второлигашкото друштво на Италија.
Како и да е, за триумф во Карпи потребен беше капитенот
на тимот од Сицилија, Илија Несторовски кој со два гола му донесе исклучително
важна победа на Палермо.
Македонскиот напаѓач доби пофалби од својот соиграч,
босанскиот интернационалец Мато Јајало, кој вели дека и кога не постигнува
голови, Несторовски повторно е од големо значење за Палермо.
„Несторовски не е фудбалер кој само постигнува голови,
туку и им помага на своите соиграчи. Видовме во Серија А за каков фудбалер
станува збор, тој е од големо значење за екипата, напорно работи, постигнува
голови од големо значење па дури и кога не постигнува голови е премногу важен
за нас“ издвои Босанецот.
Нашиот репрезентативец стрелаше во противничките мрежи по
пауза од речиси еден месец, откако претходно погоди против Про Верчели и тоа
на два пати во победата од 2-1.
Со шест гола од осум настапи Прилепчанецот е прв стрелец
на Палермо засега.
Извор: www.mediagol.it