Звезда со големата победа над Штутгарт испиша историја

Фудбалерите на Црвена Звезда вечерва славеа голема победа над Штутгарт од 5:1, а тоа е и највисоката во историјата на клубот во Лигата на шампионите откако натпреварувањето го смени името пред 32 години.

Звезда запиша само три победи во поновата историја на најелитното европско натпреварување, но оваа е убедливо највисока. Исто така прв случај е фудбалерите на белградскиот гигант да постигнат пет гола.

Во претходните две победи Звезда славеше над Ливерпул со 2:0 и Олимпијакос 3:1. Исто така и тие две победи на белградскиот гигант беа на домашен терен.