Манчестер сити и дефинитивно се соочува со одредени проблеми. Вечерва „граѓаните“ го претрпија и четвртиот пораз во низа во сите натпреварувања и втор во Премиер лигата.
Со оглед на формата во која играат избраниците на Пеп Гвардиола се најавуваше дека овој натпревар може да биде незгоден. Но, Халанд по 23 минути ги доведе „граѓаните“ во водство со кое заминаа и на паузата.
Во второто полувреме Брајтон заигра подобро и создаде повеќе прилики за гол, меѓутоа за пресврт се чекаше до финишот од средбата. Прво Жоао Педро израмни во 78. минута, а само пет минути подоцна Мет О’Рајли стрела за целосен пресврт.
По овој пораз Манчестер сити останува на 23 бода и Ливерпул со евентуална победа против Астон Вила вечерва би можел да оди на „плус пет“ на врвот на табелата.
🚨🚨| GOAL: MATT O’RILEY GIVES BRIGHTON THE LEAD!!!
— CentreGoals. (@centregoals) November 9, 2024
Brighton 2-1 Manchester City
pic.twitter.com/HN39WG7Jks