На „Маракана“ претрпе хорор, ама веќе викендов сака да игра за Барселона!

Младиот стопер на Барселона, Пау Кубарси доби тешка повреда на гости кај Црвена Звезда во Белград.

Барса рутински запиша уште една победа во Лигата на шампионите, а цехот за тоа го плати дефанзивецот. Во еден дуел со Урош Спајиќ, Кубарси си доби копачка во лицето и тоа резултираше со десетина конци.

Како што пренесува „Марка“, и покрај тоа што имаше повреда во средата Кубарси сака веќе викендов да се најде на теренот за Барселона против Реал Сосиедад.

Медиумот исто така пренесе дека Ханси Флик не е сигурен дали тоа е паметно и дали вреди да се ризикува и покрај проблемите со дефанзивната линија.