Брајтон со гол во 95. минута го победи Манчестер јунајтед! (ВИДЕО)

Второ коло, втора победа за Брајтон, овојпат над Манчестер јунајтед со 2-1 со погодок на Жоао Педро во самиот финиш од натпреварот.

Брајтон поведе во 32. минута со гол на Дани Велбек. Поранешниот фудбалер на Манчестер јунајтед повторно беше стрелец против ѓаволите.

По 15. минути игра Диало постигна гол за израмнување на резултатот од 1-1.

Пет минути подоцна Манчестер јунајтед се израдува на пресврт, но голот на Гарначо беше поништен поради офсајд бидејќи на патот кон мрежата Зиркзе ја удри топката.

Кога се очекуваше мечот да заврши нерешено, во 95. минута по одлична асистенција на Адингра, Жоао Педро постигна гол за победа на Брајтон од 2-1.